An Omega de Salonera nga entry “Kauban” midaug sa Sinulog 2023 Short Film Video Documentary kagabii diin didto gihimo an awarding sa Robinsons Galleria sa Cebu City Lunes, March 20, 2023.
Ang Omega de Salonera midaug niining mga mosunod:
– First Place Best Video Documentary
– Best Director Chenga Leah Q. Yamson
– Best Cinematography
– Best Musical Scoring and Sound Engineering
– Best in Editing
– Best Story
An film “Kauban” isa ka documentary sa Omega de Salonera sa ilang pagbiyahe paingon sa Cebu. Dinhi ilang gipakita an mga kalisdanan ug mga pagsulay nga nasugatan ug nahiaguman sa pagsalmot sa Sinulog 2023.
“With Santo Niño as “Kauban or companion” in their journey they were able to surpassed their struggles and brought home the coveted Grand Prize Award in the Sinulog Free Interpretation Category,” sumala sa post ni Ricky Ballesteros sa Facebook.
Gibutyag ni kanhi Board Member Mamerto Galanida sa exclusive interview sa RPN DXKS Surigao nga malipayon na usab silang mopauli pinangulohan sa ilang Senior Agila tungod sa laing kadungganan nga naangkon.
An 10 minutos na film nagsaysay sa kaagi nilang mga taga Kapihan diin dinhi makita an istorya sa isa ka membro na si Yayat Bordas nga bisan kon may kabilinggan sa panglawas, siya ang nagtudlo sa paggamit sa drums sa mga kabataan.
Human sa kadaugan sa Omega de Salonera sa video documentary, nangandam na sab sila alang sa competition didto sa South Korea karong Mayo 14 hangtud Mayo 16, 2023 diin sila nga grupo kaiban an Lumad Basakanon maoy entry sa Pilipinas. (RPN DXKS Surigao News Team, photo courtesy by Ricky Ballesteros)