Dinagat Islands – Nakauli na kaganihang buntag ang Overseas Filipino Worker nga si Ginang Marnie Tumampo nga nanatbaho sa Riyadh,Saudi Arabia nga nakasinatig pagmaltrato sa iyahang amo.
Saysay pa ni Ginang Tumampo nga halos dili na sya makakaon ug gikulistya na siya sa iyahang amo sa makadaghan ug giduladulaan ang iyahang pagkababayi.
Talag lang daw kini makahawid sa iyahang Cellphone kay stricto ug sumala pa niya nga wala daw syay privacy kay samin o transparent Glass iyahang gitulogan nga kwarto.
Dugang pa ni ginang Tumampo nga duha ka tuig ug may lima ka bulan na s’yang wala mahibali kung gurenew ba kini sa iyahang amo.
Gipabalhin syag luna didto sa igsuon sa iyahang amo ug gipangayuan ug 1,500SR gikan sa naunag 3,000SR nga gilukat sa igsuon sa iyahang amo.
Nakita sa Bise Gobernador sa probinsya ang post sa iyahang anak ug daling mihatag ug aksyon sa iyaha.
Gitabangan usab kini sa Overseas Workers Welfare Administration kon OWWA ug gisugat kini sa buhatan ni Vice-Governor Benglen Ecleo didto padulong sa probinsya.
Malipayong gigakos ug huot ni ginang Tumampo ang iyahang pamilya sa dihang nakaabot kini sa ilahang pinuy-anan.
(Source: DPC NEWS, photo courtesy of VGPO)