Miatubang kahapon sa session sa Sangguniang Panlungsod sa Surigao City si Engr. Virbuen Ladaga, OIC GM sa SURNECO kaiban si Board President Leonardo Ocliaso. Gihatag nila ang kopya sa Articles of Incorporation sa SURNECO ingon man ang NAC-Power Operational Data sa ilang planta sa Km.10 apil an pagpahibayo na mibalibad o nagdumili an GN Power sanan Therma South Inc. na ipakita sa publiko ang gipirmahang kontrata tali sa SURNECO sa pagsupply nan kuryente. Una nang mibalibad isab an NAC-Power sa pagpakita sa ilang kontrata tungod sa “confidentiality clause.”
Apan giklaro ni City Councilor Atty. Cacel Azarcon na ang mga public utilities sama sa SURNECO dili pwede nga itago sa publiko ang gisudlang mga kontrata sa mga power suppliers.
Niadtong miaging mga session sa City Council gihatag na sa SURNECO ang kopya sa kontrata nga gipirmahan gikan sa FDC Misamis Power Corporation human kini misugot nga ipakita kon unsay unod sa kontrata.
Nagpasidaan si City Legal Officer Atty. Manuelito Delani na pwedeng ikiha an SURNECO sanan ang mga nagsupply sa kuryente kon padayon magmagahi kining mga power suppliers nga ilantad sa publiko ang ilang kontrata.
Gitagalan sa duha ka semana ang GN Power ug TSI sa pagtubag sa imbitasyon aron moatubang sa ipahigayon nga executive session.
