Dali gidaya sa hospital an driver sa Honda PCX nga motorsiklo human kini aksidente nakasugat an tricycle nga nahitabo sa Km. 4, National Highway, Brgy. Luna, SC.
Nakilay.an an driver sa motorsiklo nga si Leyra Mae Dagami Barredo, 27 anyos, babaje, dayaga, college level, private employee, residente sa Purok-5, Barangay San Juan, Surigao City, na may professional driver’s license hampan an driver sa Tricycle na may body no. SC-1737 nga gimaneho ni Joyful Jade Abanto Murillo, 30 anyos na layaki, ulitawo, tricycle driver, residente sa Purok Spring Ville, Barangay Luna, Surigao City na may professional driver’s license.
Sa imbestigasyon nasayran nga samtang nga an motorsiklo nagsubay sa National Highway, Km-4, Barangay Luna, Surigao City pasingod sa Gaisano Capital hampan an tricycle pa gawas gikan sa parking area nan Gaisano Capital sa dihang pag abot sa intersection niliko sa waya nga bahin an motorsiklo ug aksidenteng nabanggaan sa tricycle samtang paliko sa tuo pasingod sa City proper.
Tungod sa insidente an motorsiklo nakaangkon ug mga garas ug an drayber nakaangk ug mga samad ug gidaya sa Caraga Regional Hospital sa nirespondeng mga personahe sa QART. An drayber sa tricycle nagpabilin nga waya maunsa sa insidente.
Sa latest update nagkasabot ra an duha ka partido bahin sa insidente. (Mark James Lisondra)