Naka-angkon nan samad tinigbasan an 50 anyos na layaki human kini biktima sa pagpanigbas batok sa suspek nga si Marlita Borga Abao, 46 anyos na babaje.
Nakilay.an biktima nga si Juneric Biol Palacio, 50 years of age, single, Filipino, male, highschool graduate, labor, residente sa nahisgutang lugar.
Sa imbestigasyon sa kapulisan nasayran nga nag-inom an biktima iban ni Edgar Tesado ug Mr. Eulito Yarso, kalit nga nipatim-aw an suspek nga nagbitbit ug mahait nga hinagiban (bolo) ug sa wayay igong rason gitigbas sa makadaghang higayon an biktima nga naigo sa nagkadaiyang parte sa lawas.
Gisagda ni Edgar Tesado an suspek gamit an isa ka lingkuranan aron mahupay an sitwasyon. An biktima nakaangkon ug mga samad tinigbasan sa likod nga bahin sa ija uyo (tuo), waya nga kumagko, ibabaw nga waya nga paa, ug ibabaw sa waya nga bukobuko.
An suspek misibat pasingod sa Brgy. Hall nga direksyon. Sa laing bahin, tuyo ka mga Barangay Tanod an nakakita sa suspek nga nag baktas pasingod sa ila daya an mahait nga hinagiban. Nakuha sa isa sa mga tanod nga giilang si Rene Abrea an mahait nga hinagiban dahon nanawag ug tabang sa kapulisan. Gisulti sa suspek nga biktima sija sa pagpajumbag apan sa dugang imbestigasyon, nasuta nga si Marlita Abao maoy suspek sa pagpanigbas.
Gi-turnover sa mga barangay tanod an suspek ngadto sa mirespondeng mga kapulisan ug an biktima gihatod sa Caraga Regional Hospital aron matambayan. An suspek gidaya sa Surigao City Police Station alang na sa tukmang disposisyon. (Mark James Lisondra)