Padajun pa an imbestigasyon sa mga tinugyanan sa kapulisan kung sin.o an responsible sa pag dasmag sa isa ka motorsiklo nga may sidecar nga nahitabo jadton Hunyo 29, 2024 sa Capitol Road, Brgy. Washington, SC sa alas 11:45 nan duyom.
Sa initial nga imbestigasyon ni PCL Robert Apdo ngadto kay Aljhun Trigo Lupaz nasayran nga an motorsiklo nga may sidecar naka parking atubangan sa ilang bayay kilid sa dayan nga nag-atubang sa Capitol Proper sa dihang kalit nga gidasmag sa isa ka gray nga SUV.
Tungod niini nilagpot an motorsiklo nga may sidecar ug nahagsa sa sementadong dayan nga nakaangkon ug kadaot ug nadamay pa an isa ka ido nga nag higadaay atubangan sa motor apan luwas ra an kahimtang niini.
Waya mohunong an responsabling driver ug niikyas pasingod sa Arellano nga direksiyon. Nanawagan isab an tag ija sa nakadasmag sa motorsiklo nga atimanon an damyos nga nahiaguman sa motor.
Nanawagan isab an mga tinugyanan sa kapulisan sa responsabling driver sa SUV sa pag surender sa Surigao City Police Station para atubangon an salaod. (Mark James Lisondra)