Opisyal nang gitunol ngadto sa kadumalahan sa A & M Multipurpose Cooperative ang P1,247,436. 49 nga kantidad sa proyektong alang sa mga mag-uuma sa kalibre (cassava), kini gilangkuban sa usa ka Flat Bed Dryer og Rehabilitasyon sa usa ka Post Harvest Facility. Usa kini sa mga bunga sa mga paningkamot sa probinsya haum sa program ani Governor Nilo P Demerey Jr. nga “Remedy sa Agrikultura” kauban sa hugot nga suporta gikan sa mga kaubanang opisyalis niini sama nila Bise Gobernador Benglen B. Ecleo og mga bokalis gikan sa duha ka mga distrito.
Pinaagi sa Philippine Rural Development Projects (PRDP), nahimong natanyag kini nga proyekto nga usa lamang sa daghan na nga mga proyektong nahatag niini sa probinsya sama sa mga FTMR (Farm to Market Roads), Livelihood projects og uban pa. Ang A&M Multi-purpose Cooperative ang opisyal nga benipisyaryo niini nga proyekto nga nahimutang diha sa Brgy. Cayetano, Dinagat, Dinagat Islands, diin kini nga kooperatiba ang mudumala og mupalambo niini isip kabahin usab sa pagtabang sa mga mag-uuma pinaagi sa pagpalit sa ilang produkto sa makatarunganon nga presyo, samtang dinhi usab i-proseso ang mga prosibling produkto nga mahimo gikan sa mga agricultural products sama sa kalibre (Cassava).
Atol niini nga okasyon, nanguna sa pagtunol niini mao si Governor Nilo P. Demerey Jr.GSC. MPM kauban sila Bise Gobernador Benglen B. Ecleo MAEd, BoardMember Gwendolyn Ecleo-Pols, BoardMember Ali P. Adlawan, Provincial Agriculturist Rico Galinato og Provincial Planning and Development Corrdinator Jorge Daligdig., samtang si Ginang Norma M. Villegas ang representar usab sa nahisgutang kooperatiba diini gibutyag niini nga aduna nay 1,500 ka kilo nga granuled cassava products ang karun nahimo sa A&M MultiPurpose Cooperative nga andam nang ibaligya sa merkado. Sa iyang pakigpulong madasigon nga gipaabot ni Governor Demerey ang kaikag sa probinsya sa pagpursige sa mga programa alang og kaayuhan sa mga mag-uuma og mangingisda sa tinguha niini nga makab-ot ang food security sa lalawigan.
Dugang pa niini nga ilalom sa iyang administrasyon, kauban ang mga opisyalis niini, lauman sa mga sectoral nga grupo ang suporta alang sa ilang panginabuhian, gani gipaabot usab sa gobernadora ang mga nagpadayong serbisyo nga hatod sa iyang administrasyon nga karun gitahas sa RAC o Remedy Action Center nga bukas 24 oras og 7 ka adlaw sa semana alang sa dinaliang pagresponde sa mga problema gikan sa mga Dinagatnon.
Sa iyang kabahin, nagpasalamat usab si Bise Gobernador Benglen B. Ecleo ngadto sa gobernadora ug sa kinatibuk-ang katawhan sa Dinagat sa padayon nga pagsalig og pagsuporta niini sa mga kalambuan sa probinsya, gilia usab sa opisyal atoll sa iyang pakigpulong ang dakong kahimuan ni kanhi Congresswoman og Gobernadora Glenda B. Ecleo ilabi na sa pagmugna niini sa R.A. 9355 naghimong probinsya sa Dinagat.
Lakip sa mga nagkigpulong usab niini nga okasyon mao sila Bokal Gwendolyn Ecleo-Pols MDMG og Bokal Ali P. Adlawan nga nagpasalig sa padayong nga suporta sa ngalan sa lehislatora , kini alang na usab sa mga programa alang sa panginabuhi-an sa mga mag-uuma og mangingisda sa probinya. Lakip sa mga misaksi niini nga kalihukan ang pipila ka mga opisyalis sa Barangay Cayetano, Dinagat Islands kauban ang mga mag-uuma og mangingisda niini nga dapit. (Mark James Lisondra)
(Source: Dinagat PIO)