Malampusong gipahigayon sa Provincial Peace and Order Council o PPOC ang ilang mahinungdanong tigum niadtong adlawng Martes, Agusto 2, 2022.
Isip pag abli sa maong tigum si Gov. Lyndon Barbers mihatag sa iyang unang mensahe atubangan sa mga myembro sa council. Matud pa niya matutukan na usab ug maayo ang nagpadayon gihapon karon nga pag payuhoyot sa mga ginadiling drugas ug kriminaledad, dinhi sa dakbayan ug ning lalawigan sa Surigao del Norte diin maoy makapaguba sa mga pangandoy sa mga kabatan-onan ug sa tibuok pamilya.
Subay niini, matud pa sa Gobernador, iyang gihangyo ang kapulisan, hilabina ang PDEA, kinsa kining maong ahensiya maoy gitahasan nga labing manguna ug mangusog sa pag poskay o pag dakop sa padayon gihapon nga nagpayuhot niining Shabu ug Marijuana.
Isa sa mga nakalatad sa ilang agenda mao ang mga resolusyon nga nag kinahanglan nga amendahan ug ma-aprobahan atol sa maong tigum.
Ang maong kalihukan gitambongan sa mga opisyales sa AFP, PNP, BJMP, BFP, PDRRMC, DTI, DILG, PDEA ug ingon man sa Prov’l. Vice Gov, Geed Gokiangke, nga gipanguluhan sa atong Prov’l. Gov. Robert Lyndon S. Barbers.
Isa sa mga resolusyon nga gi aprobahan mao ang Resolution No 2022-01 nga nag atoresar sa Provl Gov. para sa pag release ug pag gamit sa pondo nga nahabilin pa niadtong katunga sa tuig 2022 o first half sa 2022 aron mapadayon ang mga programa ug proyekto ubos sa maong council.
Ang ikaduhang resolusyon mao ang Resolution No 2022-02, a Resolution Reorganizing the Provincial Peace and Order Council Special Action Committees. Ang mga mosunod nga mga resolusyon apil usab sa mga gihisgutan sa maong tigum.
Si Gov. Robert Lyndon Barbers S. Barbers namahayag, ug iyang gipanghinao-ot sa mga myembro sa PPOC nga mag tinabangay sa unsa may ilang ikahatag nga tabang alang sa katawhan ug komunidad, aron nga mas mouswag pa ang atong pinayangga nga probinsiya sa Surigao del Norte.
Ang maong meeting gipahigayon didto sa Governors Conference Room nga anaa nahimutang sa Provincial Capitol Grounds, ning atong dakbayan.
(Source: PROVINCIAL MEDIA AFFAIRS OFFICE – SDN | Gov. Lyndon Barbers Page Facebook page)
