Ang Buhatan sa Provincial Tourism and Culture Office (PTCO) ilalom sa pag dumala ni, PTC Officer, Benlen D. Navas, maoy nanguna sa Flag Raising Ceremony karong adlawa Lunes, Nobyembre 18, 2024 sa Provincial Garage, Capitol Compound, Cuarinta, San Jose, Dinagat Islands.
Atol sa flag raising ceremony, gipasidunggan og Certificate of Commendation ang pipila ka mga empleyado sa kapitolyo nga niduyog sa paghatod og cash assistance sa probinsya sa Albay, usab pagrender og mental health and Psychosocial Support sa mga biktima ug survivor sa bagyong kristine sa pipila ka barangay sa Albay Province sulod sa upat ka adlaw. Ang pag tunol niini nga pasidungog gipangunahan mismo ni, Assistant Provincial Administrator, Conchita M. Macalua.
Samtang si, Alma P. Nanol, PDI-HRMPSB gipasidunggan ug Certificate of recognition agi’g retirement sa trabaho isip empleyado sa kapitolyo diin ang pag tunol gipangunahan mismo ni, OIC-Provincial Human Resource Management Officer, Jose Genofrio W. Carlos
Sa susamang higayon, gipasidunggan ug tokens ang mga birthday celebrants karong bulana Nobyembre 2024 diin ang pag tunol gipangunahan mismo ni, Provincial Tourism and Culture Officer, Benlen D. Navas, MPA. (Andres S. Maluñas)
(Source: Dinagat Islands PIO)