Nakatagamtam na isab nan libreng serbisyo an mga residente sa Brgy. Washington sa gilusad na People’s Day Year 3 sa administrasyon ni Mayor Paul Dumlao iban sa suporta nila Vice Mayor Alfonso Casurra ug mga City Councilor’s.
Mikabat sa kapin 2,000 ka mga indibidwal an nahatagan nan libre na serbisyo sama sa libre na reading glasses, check up, pag proseso sa mga dokumento, legal services, free massage ug haircuts ug iban pa.
Sa mensahe ni Kapitan Christopher “Boyet” Bonite sija nagpasalamat sa administrasyon ni Mayor Paul Dumlao human gidaya an mga libre na serbisyo sa Barangay Washington.
Nagpadayag isab nan mensahe si Mayor Paul Dumlao sa mga katawhan sa Brgy. Washington.
Mitambong sa People’s Day si Governor Robert Lyndon Barbers ug mga kapitan sa 54 ka Barangay sa syudad nan Surigao isip pagpakita nan suporta sa programa na People’s Day Year 3 ubos sa administrasyon ni Mayor Paul Dumlao. (Mark James Lisondra)