Simultaneous o dungan nga gipahigayon ang maong payout sa DSWD Regional Office sa Butuan City, ug mga Satellite Offices sa Surigao City (Surigao del Norte), Tandag City ug Tagbina (Surigao del Sur), San Francisco (Agusan del Sur), San Jose (PDI), ug Dapa (Siargao – Surigao del Norte).
Ang Buhatan mipahigayon ug pre-registration pinaagi sa Google Forms link aron makontrola ang pagdagsa sa mga tawo para sa payout. Ang mga aplikante usa nga na interview na sa mga Social Worker ug mi qualify sa programa ang gihatagan ug appointment karong adlawa aron makuha ang maong assistance.
Apan bisan paman sa pahimangno sa Ahensya nga ang aduna lang appointment ang maatiman karong adlawa, dagsa gihapon ang mga aplikante nga gusto sa walk-in transaction. Busa ang gibuhat sa mga personahe sa Ahensya, gidawat ang mga walk-ins aron nga sila matabangan sa pag register sa google link aron sila masulod na sa mga aplikante nga para na sa interview sa mga Social Worker (pinaagi sa phone interview) aron masuta ug sila kwalipikado.
Gibuhat sa Ahensya ang pre-registration kay aron plastado ug han-ay ang ipahigayon nga assistance payout.
Gusto magpasalamat ang Buhatan sa Regional Mobile Force Battalion 13, Police Regional Office 13, ug sa BLGU sa Dagohoy, Butuan City sa gihatag nga suporta pinaagi sa mga personahe nga mitabang sa pag siguro sa kahapsay sa maong payout.
(Source: DSWD Caraga Facebook page)