Sa gipahigayon nga semenang media conference kagahapong adlawa sa City Hall nahimong pinasiduggang bisita silani Mayor Paul Dumlao, City Budget Officer Atty. Jefrey Galido, Mark Caven Salar sa City Social Welfare and Development Office, Maria Elvira Duka sa UN Habitat, Myravit Toledo an Senior Community Mobilizer sa UN Habitat, Assistant CPDO Coordinator Uriel Correos ug Persons With Disability Office Head Joebert Tapales.
Sentro sa hisgutanan amo an pag hatag nan napuyo (10) ka kilo na bugas ngadto na sa PWD, launching kuman Oktubre 7, 2024 para sa Huy-anan nan Badjao Surigao Project ug pagsaulog nan Elderly week.
An tumong ug tujo sa pag hatag nan bugas sa mga PWD apil an iban sektor para matabangan sa kalisod sa ilang panginabuhian.
Ini na programa suportado sab ni Mayor Paul Dumlao kay ija gajud taghatagan nan pagtagad an mga PWDs sanan mga Batang Surigaonon para sa kalambuan nan siyudad.
Sa laing bahin mapasalamaton si Mayor Dumlao sa mga suporter nga niiban sa ilang pag file nan Certificate of Candidacy jadton milbay’ng adlaw ubos sa Abante Surigao Nacionalista party isip pagpakita nan dako na suporta sa ilang kandidatura. (Mark James Lisondra)