Surigao: Mayor K gitubag ang isyu bahin sa bag-ong polisiya sa pagbakuna; ordinansa nga magmulta sa mga iresponsabling dog owner mosunod

Ang mga opisyal sa LGU, empleyado, ug mga personahe sa nasyonal nga mga ahensya nagtapok kaganinang buntag sa Municipal Gym aron sa pagpahigayon sa ikaupat nga weekly flag raising ceremony alang sa bulan sa Oktubre.

Visit RPN DXKS Surigao

Sa Monday-morning sharing activity, naghisgutan ni Mayor Karissa R. Fetalvero-Paronia ang iyang pagbisita sa “tabo” sa atong Public Market niadtong Biyernes diin personal niya nakaistorya ang mga residente nga dili bakunado. “I may not be popular or well-liked by everyone because of my firm decisions and regulations, but know that I am always looking out for the welfare of the majority of our people. That’s the oath I took in front of God and my people. I’m practicing the doctrine of RESPONDEAT SUPERIOR. I’m the captain of the ship, the mother of this municipality, and hence, I take full responsibility for the promotion of everyone’s health and wellness,” pagpasabot sa atong mayor.

“Wala man gani ko nahadlok sa akong first term sa 2016 nga gipamalikasan ko harap-harapan tungod sa atong polisiya nga ipasiradu ang mga ‘ayad’ nga sulod ug duol sa mga panimalay. Kana na bang vaccination angay kahadlokan?” pagtandi ni Mayor K.

“If you have an underlying health condition nga gibawalan ka sa doctor na bakunahan that’s okay. As long as you’re going to present a medical certification. Simple ra, rest assured dili mubakano ang RHU kung dili stable ang inyong vital signs,” dugang pagpasabot sa atong lider.

Sa laing bahin, nahisgutan ni Mayor K ang isyu bahin sa nagkanat nga “tae” sa mga iro sa kadalanan. “It’s time na to review our ordinances bahin sa atong mga iro kay daghan nay nagkanat apil na ang mga basura nga ilang gikanat. Maghimo kitag facility sa mga iro nga wala na’y tag iya ug mag multa kita sa mga iresponsabling tag-iya nga pasagdan ra malibang ang ilang iro sa mga kadalanan,” pagpahibali ni Mayor K.

“Change is inevitable until change will become a new normal na ma-adopt na nato. It’s a matter of enlightening the minds of our people, listening to their side, and explaining our position,” kataposang mensahe sa atong mayor.

Natapos ang weekly flag raising ceremony sa pagpanghatag ug lainlaing mga update gikan sa mga opisina. Ang seremonya gi-isponsor sa Sangguniang Bayan Office sa pagpanguna ni Vice-Mayor William E. Avila.

(Source: Sison on the Rise Facebook page)