Nag positibo sa drug test si Regie Cavite an suspek nga nadakpan sa gilusad nga drug buy bust operation sa mga personahe sa drug enforcement unit sa Surigao City Police Station jadton Hunyo 28, 2024 sa Purok 1-B, Brgy. Bonifacio, SC sa alas 7:45 nan duyom.
Basi sa report nga gipagawas sa buhatan sa kapulisan an shabu nga napalit sa posuer buyer sa suspek nitimbag sa 0.0708 gram.
Hampan an shabu nga gikan sa posisyon sa suspek nitimbang sa 1.1548 gram. Sa Qualitative Examination nga gipahigayon pinaagi sa Provincial Forensic Unit Surigao City an specimen nga nakuha gikan sa suspek nag positibo an resulta sa presensiya sa Methamphetamine Hydrochloride.
Sa screening test nga tagpahigayon an ihi sa suspek nag positibo an resulta sa Methamphetamine ug negatibo an resulta sa presensiya sa THC-Metabolites.
An tanan nasakmit nga methamphetamine hydrochloride nitimbang sa kinatibuk.ang 1.2256 grams sa kantidad P8, 334.00 ka pesos.
An kaso gidawat ni Atty. Lyndel Alvarado jadton Hunyo 29, 2024 sa kasong kalapasan sa Article II, Sec. 5 ug Sec. 11 sa RA no. 9165 nga may docket no. XIII-05-24F-00127. (Mark James Lisondra)