Nabalaka kuman an mga residente sa lungsod nan Mainit gumikan sa isa ka layaking membro sa akyat bahay human kini miatake sa isa ka pinuy-anan kagaina, Enero 5, 2025 sa ala 1:50 an takna sa kadlawon partikular na sa pinuy-nan sa pamilyang Taer-Canangcaan sa Brgy. Magsaysay, lungsod nan Mainit, Surigao del Norte.
Kini human nakit-an sa CCTV camera an gihimong pagpaniid sa waya makilay-i na suspek nga nagpurong nan baro samtang misaka kini sa pader sa maong pinuy-anan
Tagbutyag sa tag ija sa bayay nga pipila na ka adlaw kining nakit-an sa CCTV camera sa mismong pinuy-anan apan tagtumbok niini an pagsaka nga diin an tumong niini amo an pagpangawat.
Dili man klaro sa report kon uno na mga butang an nasakmit sa kawatan apan padajon pa kini gisuta sanan giimbistigahan nan Mainit MPS.
Sa kuman nag awhag an tagtungod sa gikawatan nga mamahimong magbinantayon sa kanunay ug ireport sa kapulisan an nahimutang niining tawo nga nakita sa footage sa ija pagpangawat. (Mark James Lisondra)