Usa ang nakalas samtang duha ang naangol sa usa ka insidente sa pinusilay nga nahitabo sa Sitio Jansen, Barangay Basak San Nicolas, alas-1:00 sa hapon, Dominggo, Enero 5, 2025.
Ang biktima nga si Roel Chua alyas “Ikong,” 33-anyos, ang namatay, samtang ang iyang kauban nga si Rowell Obaob Dignadice alyas “Boboy” ug ang suspek nga si Giovanni Gabor alyas “Jojo,” usa ka ex-convict, ang duha pulos kaangol. Matod sa imbestigasyon, nagsugod ang panagsangka tungod sa tabis nga tinan-awan.
Si Gabor, residente sa Sitio Alaska, Barangay Mambaling, mibangga sa duha ka biktima samtang naglakaw, nga mitikang sa kasuko. Giingon nga mikuha ug armas si Gabor ug gigukod ang duha ka biktima.
Una niyang gipusil si Chua, kinsa nalup-og ug namatay sa tunga-tunga sa dalan. Nakapalagpot usab og armas si Dignadice ug nakapaboto batok ni Gabor, apan naigo sab siya. Samtang ang ulat nagkanayon nga sa tabis lang nagsugod ang panagsangka, adunay impormasyon nga nagka-kontra ang mga nahilambigit tungod sa bahin sa halin sa ginadiling droga.
Ang kapulisan nagpadayon pa sa ilang imbestigasyon sa maong insidente aron pagsuta kung unsay motibo sa maong pinusilay. (Renante Socia Lada)