Sa milabay’ng duha ka buyan na pagdumala ni Mayor Sol Matugas sa Heneral Luna, Siargao Island, midoble an pagsaka sa abot na misuyod sa panudlanan nan munisipyo. Basi sa datos sa niaging unom ka buyan gikan Enero hangtod Hunyo ning tuig 2022, mukabat sa 1.44 milyones ka pesos an nahisuyod na collection sa munisipyo apan sa buyan nan Hulyo sanan Agosto milobo ini ngadto sa 2.8 milyones ka pesos.
Matod pa, paagi sa maong munisipyo ngano nakab-ot an kalit na paglobo sa ilang kita ug masuyod ini na kantidad sa ila panudlanan, amo na an istrikto na pag implementar sa mga lokal na balaod sanan kusganong liderato sa mga opisyales na tagpanguyohan mismo ni Mayor Sol Matugas iban sa ija mga konsehales sanan mga kapitanes na amoy mu implementar isab ngadto sa ila tagsa-tagsa ka mga kabarangayan.
Samtang sa Cloud 9, Surfing Destination sa Brgy. Catangnan jaon nay entrance fee nga 50 pesos alang sa mga turistang lokal ug mga langyaw.