Gidagsa sa mga katawhan sa Probinsya sa Surigao del Norte an Intensive Surgical Services nga gihimo sa Provincial Government sa pagpanguna ni Governor Robert Lyndon Barbers in partnership sa THPAL, TMC, HMC, CMC, NAC, Adventist Medical Center Manila ug Medical Mission to Heaven.
An mga libre nga serbisyo didto tagdaya sa Provincial Hospital sa Brgy. Bad-as, Placer, Surigao del Norte nga nag sugod kagahapong adlawa Hunyo 4 hangtod Hunyo 8, 2024 sa pagpanguna ni Dr. Jamallodin S. Demao an Chief of Hospital sa Surigao del Norte Provincial Hospital.
Jaoy mga volunteer doctor nga gikan sa gawas sa nasud, nurses ug surgeons nga libre an ilang serbisyo para sa surgical operation, medical consultation, outpatient surgeries hangtod sa pag hatag ug resita nga tambay para sa mga pasyente.
Sumaya pa ni Dr. Jamallodin S. Demao nga target nila an kapin 200 ka indibidwal para sa mga minor surgical operations ug 150 ka indibidwal para sa major surgical operations.
Mapasalamaton si Vice Governor Eddie “Geed” Gokiangkee Jr. sa tanan mga doctor nga boluntaryong serbisyo sa mga katawhan sa Probinsya sa Surigao del Norte. (Mark James Lisondra)