34.5 C
Manila
Monday, April 22, 2024

Surigao: Happy People’s Day, Brgy. Balibayon

- Advertisement -

Hugjaw karadjaw an nahitabo na People’s Day sa Brgy. Balibayon, adlaw nang Mayo 26, 2023.

Napuno ng kalipay ang Brgy. Balibayon Gymnasium sa gipakita na partisipasyon nan mga Drum and Lyre Corps gikan sa mga aktibong kabatan-onang estudyante nan Vicente Cabilao Elementary School. Lingaw karadjaw an mga nagkalain laing ahensya, departamento nan City Government of Surigao na mihatag nan ubay ubay na mga serbisyo para sa tanang residente nan Brgy. Balibayon.

Dili mabilang an datos sa kadaghang naka sinati nan libreng serbisyo sama sa libreng checkup, gupit, ibot sa ngipon, bakuna sanan libreng pagpanhatag nan tambay ug uban pangserbisyo na ila tagkinahanglan.

Luhaang mata an makita sa mensahe pagpasalamat nan mga opisyales sa Brgy. Balibayon, sa dili mabayran na pagpakita nan pagpayangga kanila, na sila sab dili magmaluyahong mosuporta sa lokal na panggamhanan.

Apil sa maong kalihokan an pag panumpa sa katungdanan sa mga bag-ong opisyales sanan miyembro nan HUGBAFICO (Hukbong Balibayon Fisherfolks Cooperative) diin gidumala ni Mayor Pablo Yves L. Dumlao II.

Samtang mas nalingaw ug nahimong bibo ang programa sa isa ka presentasyo na taghatag ni Neil Pitang na garbo nan Surigao nga nahimong contender sa Tawag ng Tanghalan Showtime.

Sa mensahe ni Mayor Dumlao, mas gidasig nan Mayor na ipadajon an paghatag nan serbisyo sa tanang barangay ug mas gipangusgan nija na gana ra gajud an feeling na makatabang kita sa ato isig katawo, ug nanghinaot na unta ang tanan magpabilin sa pagpanhatag sa serbisyo hantod mahurot an tanan 54 ka barangay na sakop nan siyudad.

(Source: Surigao City PIO Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -