Ang pangamhanan sa probinsya sa Dinagat Islands ilalom sa pag dumala ni Governor Nilo P. Demerey, Jr., GSC, MPM pinaagi sa buhatan sa Provincial Social Welfare and Development Office (PSWDO) sa pag dumala ni PSWD Officer, Zenaida Lerma Z. Escopete, RSW, malampusong ni pahigayon ug 2024 Provincial Elderly Day Celebration niadtong adlaw’ng Oktobre 31, 2024 sa Provincial Operation Center Function Hall, Sta. Cruz, San Jose, Dinagat Islands.
Gisugdan ang programa sa pamukas nga mensahe ni Provincial Social Welfare and Development Officer, Zenaida Lerma Z. Escopete, RSW agi’g pormal nga pag sugod sa programa ug pag dawat sa mga senior citizen isip partisipante niini.
Atol sa programa, Inisyatibong nipadayag ug mensahe si Marichu M. Demerey, kanhi Executive Assistant IV agi’g pag pasalamat sa mga senior citizens ning probinsya nga nakig alayon sa programa diin kini inisyatibong gipang hingusgan ni Governor Demerey, Jr., MPM alang sa mga senior citizens ning probinsya.
Samtang sa bahin ni, Project Development Officer 111, NCSC San Jose SC Federation Officer, Angelou M. Pascual, han-ay nga gipasabot ang Overview on the RA.110982, also known as the Octogenarian, Nonagenarian, Centenarians, Act which grant benefit to Filipino Senior Citizen amending R.A.10868. Sa susamang higayon, gipasidunggan ug certificate of Commendation ug tokens si Pascual diin ang pag tunol gipangunahan mismo nila, Provincial Social Welfare and Development Officer, Zenaida Lerma Z. Escopete, RSW, ug ni, kanhi Executive Assistant IV, Marchu M. Demerey.
Mikabat sa musobra mokulang sa usa ka gatos (100) nga senior citizens gikan sa nagka daiyang lungsod o municipality ning probinsya nga nitambong sa programa.
Agi’g dugang lingaw, gipahigayon ang pa- raffle draw, ug kompitisyon sama sa; Vocal Duet, Cha-cha, Tango, ug bogie ngadto sa mga senior citizens diin ang mananaog mamahemong maka dawat sa awards ug tokens agi’g pahalipay sa partisipasyon.
Anaa ang presinsya sa programa sila, Zenaida Lerma Z. Escopete, RSW, Provincial Social Welfare and Development Officer, Marchu M. Demerey, Ex- Executive Assistant IV, Angelo M. Pascual, Project Development Officer 111, NCSC San Jose SC Federation Officer, Geniel R. Lisondra, RSW, Assistant PSWD Officer, Milvic N. Davin, SWO 1, Norygen J. Diaz, Senior Citizen Focal Person, engon man ang buhatan sa Provincial Information Office (PIO), ug Provincial Governor’s Office (PGO). (Andres S. Maluñas)
(Source: Dinagat Islands PIO)