An ato Lokal na Panggamhanan nan Siyudad magpahigayon na sab nan “Free Legal Aid Day” sa City Cultural Center kuman umaabot na Abril 22, 2023, alas 9 sa buntag hantod alas 3 sa hapon.
Ini na programa ni Mayor Pablo Yves L. Dumlao II, pinaagi sa opisina nan City Legal Office sanan City Administrator’s Office sa pagdumaya ni Atty. Cristina Parińas sanan Chief of Staff Atty. Krystel Grace C. Buniel.
Kini na serbisyo tagdalit nan lokal na panggamhananan kada Third Saturday of the Month alang sa mga indigent individuals na nagkinahanglan nan giya sanan tabang legal.
Kolaborasyon ini sa mga Abogadong garbo nan Surigao na mga miyembro nan Integrated Bar of the Philippines-Surigao del Norte sanan Public Attorney’s Office na mibulontaryo sa pagtanyag nan libreng konsultasyon sanan libreng “notarial services” sa simple nga sworn statement.
Note: Sa mga gusto magpanotaryo, Sworn Statement ra an pwede mapanotaryohan. Pagdala nan isa ka valid ID sanan Certificate of Indigency para makapanotaryo.
(Source: Surigao City PIO Facebook page)