Nag viral sa Social Media an Federal Tribal Government of the Philippines human kini mihimo ug dili marajaw na kalihokan partikular an pag padlock sa pipila ka mga tindahan nga gikabalak-an sa mga negosiyante ug sa mga katawhang Surigaonon.
Basi sa report sa PMSgt. Rex Plaza nasayran nga ini na organisasyon armado nan mahait na hinagiban nga nagpahigayon nan checkpoint sa may Maharlika road sa Purok 5, Brgy. Sabang, ning atong dakbayan.
Dugang pa sa report nga giila an mga respondent nga sila Bae Lourdes Latraca Infante, 60 anyos na babaje, Tribal Chieftain sa Surigao City Chapter
Jorgeto Corpuz Santisas, 45 anyos na layaki, menyo, Supreme Adviser ug Provincial Chieftain sa Surigao del Sur
Jhavie Latraca Infante, 50 anyos na babaje, Information Officer FTGP, sila tanan residente sa Purok 5, Brgy. Sabang, Surigao City apil niini an 40 kabuok layaki ug 3 ka babaje nga waya makilay-i.
Gipatuman sa mga tinugyanan sa kapulisan sa pagpanguna ni PLTCOL Atty. Mariano Lukban an maximum tolerance batok sa Federal Tribal Government of the Philippines sa pagbungkag sa ilang illegal checkpoint.
Dali nga girespondihan ni Mayor Paul Dumlao an insidente ug gihangyo an lider sa grupo nga mogawas alang sa isa ka dayalogo. Apan an grupo ni Bae Lourdes Infante nagdumili sa pag adto sa karsada apan nihangyo sa Mayor nga mosuyod sa compound aron makig-dayalogo.
Waya na mosuyod sa ilang compound si Mayor Paul Dumlao alang sa seguridad isab niini.
Gitangtang isab sa PNP an mga tarpaulin nga gigamit sa FTGP isip ilang barikada sa pagpahigayon ug checkpoint. Sa pagka kuman giandam na an tukmang kaso batok sa mga respondent alang sa tukmang disposasyon.
News: Mark James Lisondra