General Santos City – Hugot nga gikondena ug gipatutokan ni Police Brigadier General Arnold P. Ardiente, Acting Regional Director sa PRO 12, ang insidente sa rape o pagpanglugos nga naglambigit ang usa ka Police Master Sergeant nga sakop sa General Santos City Police Office (GSCPO)
Sa iyang pamahayag, si PBGen Ardiente niingon nga iya dayong gipatawag ug gi-reprimand ang mga opisyal sa Gensan City PNP aron masuta ang rason sa pagkalangan dayon sa aksyon sa reklamo.
“We have reprimanded them kung bakit hindi kaagad inaksyunan and we have directed them na i-file yung kaso if ever lumalabas sa imbestigasyon na may kasalanan yung isa naming police officer,” ang pamahayag ni PBGen Ardiente.
Gawas niini, gi-reprimand usab ni PBGen Ardiente ang mga unang giduol sa biktima sa usa ka police station tungod sa kakuwang sa aksyon sa kaso.
“We have also reprimanded yung concern WCPD Officer, kapag may ganon kasing situation, kaya nga sila diyan, highly competent or highly train to handle cases involving women and children. They should asses immediately, kung may complaint regardless kung sino man yung respondent. Specially nga dapat tutukan dahil yung nireklamo is Police Officer mismo. Because there are situation na na-take advantage nung Police Officer yung posisyon niya. So dapat tutukan kaagad ng WCPD Investigator ganong may mga allegasyon ng rape or sexual assault and immediately I-undergo yan ng physical examination. Hindi niya ipaubaya lang sa complainant na yung complainant lang pupunta doon para magpacheck-up but i-assist ng WCPD investigator yan,” ang dugang sulti ni PBGe Ardiente.
Gikabutyag usab ni PCol Nicomedes Olaivar Jr., City Director sa GSCPO, gidis-armahan na ang suspek ug kasamtangang anaa sa restricted custody sa GSCPO ug mag-atubang kini’g kasong kriminal ug administratiba.
Samtang, giproseso na ang gikinahanglang mga dokumento para sa iyang pagbalhin sa Regional Headquarters sa PRO-12.
Sa laing bahin, gimando usab ni PBGen Ardiente ang dinaliang drug testing sa tanang personnel sa Police Station diin nadestino ang suspek. Matud niya walay luna sa han-ay sa PNP ang mga personahe nga nalambigit sa sayop nga binuhatan.
“Rest assured that the PNP Leadership, specially dito sa PRO 12 we do not tolerate any wrong doings ng ating mga personnel.
Kung nagkasala man sila, they have to face the law or consequence of the law. Kasi wala pong lugar ang PNP para sa mga ganong personnel,” ang panapos nga pahayag sa labaw sa PRO-12. (Rem Agdon)
News&Graphic: PCADG12