Gidakop sa mga personahe sa Socorro MPS an duha ka mananagat human nag gamit nan improvised compressor nga boso. Nahitabo an pagdakop kagahapong adlawa sa Brgy. N. Sering lungsod nan Socorro, SDN sa alas 8:00 sa buntag.
Nakilay.an an duha ka suspek nga sila ni Arie Sarol Justol, 29 anyos nga layaki, ug Rosbert Justol Baltero, 18 anyos nga layaki, parehong residente sa nahisgutang lugar.
Atol sa pag aresto nakompiskar sa posisyon sa duha ka suspek an improvised compressor sa kantidad P8, 000 ka pesos, duha ka yamaha engine nga 10 ug 12 horse power sa kantidad P90, 000 ka pesos, tuyo ka speargun sa kantidad P3, 750.00 ka pesos, isa ka set nga hose sa kantidad P2, 500 ka pesos, duha ka pares nga flippers sa kantidad P1, 000 ka pesos, isa ka styro box nga may suyod nga unom ka kilo nga isda sa kantidad P1, 500 ka pesos.
Sa pagka kuman an mga nadakpang suspek an jari kuman sa Socorro MPS. (Mark James Lisondra)