Lain na usab nga kalampusan ang nahimo sa Police Regional Office 7 sa ilang kampanya batok ginadiling drugas ug sa tanang matang sa kriminalidad.
Sa tulo nila ka adlaw nga operasyon sugod niadtong Hunyo 3, 2024, niabot sa 6,926.53 gramos sa shabu ang ilang nasakmit na adunay standard drug value nga P47,100,404.00.
Nikabat usab sa 117 ka mga drug personalities ang nasikop ug 109 sa ilegal nga sugal na adunay P9,689.00 nga pusta ang nasakmit.
Samtang sa Simultaneous Anti-Criminality Law Enforcement Operations (SACLEO), niabot usab sa 327 ka mga tawo ang nadakpan.
86 usab ka mga ilegal nga armas ang nasakmit ug 8 ka mga suspetsado ang nasikop.
Sa mga wanted person usab 93 ka mga suspetsado ang nadakpan sa pagpatuman sa court-ordered warrant of arrest.
“Our intention is very clear: To stop the proliferation of drugs in Central Visayas and take lawless criminals off the streets. We will never stop until you are arrested”, segon ni PBGen. Anthony Aberin, PRO-7, Regional Director. (Renante Socia Lada)