Nadakpan an duha ka lending collector sa gilusad na drug buy bust operation sa mga personahe sa drug enforcement unit sa Surigao City Police Station sa may Purok Ilang-ilang, Brgy. Taft, SC sa alas 11:10 an takna nan duyom jadton milabay’ng adlaw.
Nakilay.an an mga suspek nga sila ni alyas Weng-weng, 43 anyos na layaki ug lumad na taga Negros Occidental ug si alyas Imak, 30 anyos na layaki, lumad na taga San Jose, Province of Dinagat Island.
![](https://rpnradio.com/wp-content/uploads/2024/07/Buy-bust-operation-1-1-300x202.jpeg)
Nasakmit sa posisyon sa mga suspek an isa ka plastic sachet sa suspected shabu pinalit sa posuer buyer nga gibana-bana motimbang sa 0.16 gram sa kantidad P1, 088.00 ka pesos.
Sa posisyon batok kay alyas Weng-weng nasakmit an isa ka real me smart phone, cash money sa kantidad P300.00 pesos, isa ka sling bag, isa ka canister, duha ka improvised aluminum foil strip ug napuyo ka plastic sachet sa suspected shabu nga gibana-bana motimbang sa 1.34 grams sa kantidad P9, 112.00 ka pesos hampan sa posisyon ni alyas Imak nasakmit an isa ka belt bag, cash money sa kantidad P300.00 pesos, isa ka P1, 000 peso bill gigamit isip marked money.
![](https://rpnradio.com/wp-content/uploads/2024/07/Buy-bust-operation-2-300x202.jpeg)
Human sa pag imbentaryo an duha ka suspek sanan an mga ebedensiya an gidaya sa Surigao City Police Station alang sa tukamang disposisyon hampan an duha ka suspek pasakaan ug kasong kalapasan sa Article II, Sec. 5 (selling) ug Sec. 11 (possession of dangerous drugs) sa RA no. 9165. (Mark James Lisondra)