Nakasinati nan wayay internet connection sa smart ug PLDT wifi an dakbayan sa Surigao kagahapong adlawa Hulyo 19, 2024 human natumbahan sa punoan sa lubi an linya sa internet sa may Purok 5, Brgy. San Pedro, Sison, Surigao del Norte.
Basi sa imbestigasyon sa Sison MPS nasayran nga nakadawat sila nan tawag nga jaoy insidente sa disgrasya apan lajo ra ini sa natumba na punoan sa lubi.
Dugang pa sa imbestigasyon na an punoan sa lubi didto nasangit sa wire sa internet nga posibling pagka waya sa signal sa smart adesir nibabag sa tunga sa dayan sa National Highway.
Matud pa sa mga responding rescue unit nga posible sa kakusog na hangin an nasinati sa maong lugar amo an hinungdan sa pagka tumba sa punoan sa lubi.
Sa pagka kuman balik sa normal na an internet conncetion pagka hapon ug gitangtang na sa mga perosnahe sa MDRRM Sison an nibabag na punoan nga maoy hinungdan sa kahuot sa trapiko sa nahisgutang lugar. (Mark James Lisondra)