Nadakpan an duha ka suspetsadong layaki sa gikasa na drug buy bust operation sa mga personahe sa drug enforcement unit sa Surigao City Police Station.
Nahitabo an pagkasikop sa may Purok 4, Brgy. Day-Asan, syudad nan Surigao sa alas 10:00 an takna nan duyom Agosto 21, 2024.
Nakilay-an an mga suspek nga sila ni Steven Odron Molijon, 19 anyos na layaki, residente sa Purok 11 Brgy. Mat-i, sanan si Julito Batulan Perdizo Jr., alyas Imat/Borat, 28 anyos na layaki, residente sa Purok 8, Brgy. Day-Asan, syudad nan Surigao.
Nasakmit sa posisyon sa mga suspek an isa ka pakite sa suspected shabu pinalit sa posuer buyer gikan sa suspek nga gibana-bana motimbang sa kapin kon kuyang 0.16 gram aa kantidad ₽1, 088.00 ka pesos.
Nasakmit isab an laing 13 ka pakite sa suspected shabu na gibana-bana motimbang sa kapin kon kuyang 1.04 gram sa kantidad ₽7, 072.00 ka pesos, isa ka ₽1, 000 peso bill gigamit isip marked money, cash money sa kantidad ₽100.00 pesos, duha ka smart phone ug isa ka kaha sa posporo.
Kasong paglapas sa Article II, Sec. 5 ug Sec. 11 sa RA no. 9165 an mga suspek ug jaon kuman sa kustodiya sa Surigao City Police Station. (Mark James Lisondra)