Nadakpan sa mga tinugyanan sa kapulisan an duha ka layaki human nalambigit sa ilegal nga sugal. Nahitabo an pagkasikop kagahapong adlawa sa Purok 4, Brgy. Day.asan, SC sa alas 11:20 sa buntag.
Nakilay.an an duha ka suspek nga sila ni Junard Gultian Catarman, 37 anyos, layaki menyo, driver, ug si Francisco Elustricimo , 55 anyos, layaki, menyo, driver, parehong residente sa Purok 2, Brgy. Day-asan, Surigao City.
Basi sa imbestigasyon ni PSSgt. Andres Felisco Jr. nga an mga suspek nasakpan sa akto nga nag duwa nan piyat-piyat human may isa ka concern citizen an mireport sa kapulisan.
Sa ilang pag responde nadakpan an duha ka nahisgutang suspek hampan an duha ka laing suspek an nakasibat human namatikdan an presensiya sa kapulisan.
Nakompiskar sa posisyon sa mga suspek an isa ka set nga baraha ug bet money sa kantidad P500.00 pesos.
Mag atubang sa kasong paglapas sa PD 1602 an duha ka suspek ug jaon kuman sa kustodiya sa Surigao City Police Station. (Mark James Lisondra)