Un vendedor el ya muri na un incidente de puñalada mientras ya aresta con el suspechao despues del incidente en este ciudad, asegun con el policia local del Martes.
El policia local ya nombra con el fatalidad como si Alejandro Torres, 52 años el edad y residente de Alicia, Zamboanga Sibugay.
Asegun con el policia, el incidente ya ocuri mga alas 10:30 del Lunes denoche na Barangay Talabaan, en este ciudad.
Base na investigacion, alegaomente ya lansia por muchas veces con Torres el suspechao, si Abelardo Lanipa, 60 años el edad, cuando ya tene sila caliente discussion mientras ta man tomahan sila dos.
Asegun con el policia, enseguidas ya muri si Torres mientras con Lanipa ya puede dayun aresta y ya recubri na su posesion el mga pulis con el puñal que ya usa el suspechao.
(B. Garcia, photo courtesy of Zamboanga City Police Office)