Surigao: Drug personality sa lungsod nan Dapa ug General Luna nadakpan sa buy bust operation

0
2

Sunod-sunod an gihimong buy bust operation sa mga tinugyanan sa kapulisan human gipatuman an Simultaneous Anti Criminality Law Enforcement Operations kon SACLEO sa Probinsya sa Surigao del Norte.

Unang buy bust operation nga gipahigayon sa lungsod nan General Luna sa pagpanguna ni PCPT John Paul Abangan mga alas 9:00 nan duyom didto sa Brgy. Catangnan, lungsod nan General Luna, SDN.

Nakilay.an an suspek nga si Joel Alipayo Espejon, 38 anyos nga layaki, surfer instructor, residente sa Brgy. Catangnan, General Luna, SDN.

Nakompiskar sa posisyon sa suspek an isa ka plastic sachet sa suspected dried marijuana nga gibana-bana motimbang sa 8.05 grams sa katidad P1, 020.00 ka pesos, marked money nga P1, 000 peso bill.

Ika duha nga buy bust operation didto sa lungsod nan Dapa nga gipangunahan ni PCPT Elson Holmes Valdez. Nahitabo an buy bust operation sa Sitio Lobo, Brgy. Sta. Fe, Dapa, SDN sa alas 9:00 nan duyom.

An suspek Isa ka 37 anyos nga layaki, residente sa Brgy. 13, Poblacion, Dapa, SDN.

Nakompiskar sa posisyon sa suspek an isa ka plastic sachet sa suspected shabu nga gibana-bana motimbang sa 0.4947 grams sa kantidad P3,363.00 pesos, laing tuyo ka plastic sachet sa suspected shabu nga gibana-bana motimbang sa 0.4845 grams sa kantidad P3,480.00 ka pesos, isa ka P1, 000 peso bill ug P4, 000 pesos nga boodle money, isa ka bamboo sealer ug tuyo ka aluminum foil strips.

Kasong kalapasan sa Section 5 (Selling of Dangerous Drugs) ug Section 11 (Possession of Dangerous Drugs) sa Article II, RA No. 9165 an giandam alang sa inquest filing batok sa duha ka suspek. (Mark James Lisondra)

Leave a Reply