Gibawian na sa kinabuhi an driver sa multicab human kini naipit sa disgrasya ug isa ka pasahero na babaje human nilagpot samtang nag sakay sa likod na bahin sa multicab sa dihang aksidenting nasangit sa Trailer Truck nga nahitabo sa Km.20, Purok 5, Brgy. San Pedro, Sison, Surigao del Norte jadton Hulyo 29, 2024.
Sa pamahayag ni PCPT Nick Antallan an Acting Chief of Police sa Sison MPS nagkanayon na an multicab na color blue na may temporary plate no. 152002 gikan sa siyudad nan Surigao pauli sa Algria, SDN nga gimaneho ni Isabelo Dodong Neri, lumad na taga Brgy. San Juan, Alegria, SDN na may dose (12) ka pasahero na sila ni Jessil Brigoli Guerra, 41anyos, (dead on the spot), Jiezel Brigoli Guerra, 18 anyos, Jacobo Bonilla Tare, 64 anyos, Joan Casilec Alpache, 31 anyos, (gidaya sa Caraga Regional Hospital), isa ka 4 anyos ug isa ka 3 anyos, Joanne Lozano Geromala, 24 anyos, Jovan Lozano Geromala, Jollyphy Calibo Labadora, 34 anyos, isa ka 11 ug 15 anyos ug Lorena Putor Lebaste (naka uli na sa ila bayay) hingkud an pangidaron.
Sa imbestigasyon nasayran na ni overtake an multicab sa nag unang motorsiklo ug aksidenting nasangit sa left front bumper sa kasugat na trailer truck na may Plate no. FK 7685 na gipanag-ijahan sa isa ka contructor na si Rue Ellen Yu na taga Tandag City ug gimaneho ni Aljie Murillo Dela Peña, 38 anyos, na may driver’s license, residente sa Purok Macapagal, Brgy. Buenavista, Tandag City.
An trailer truck may kargang crane ug sa ka kusog sa impact nalangkat an kilid sa multicab ug natangtang sa trailer truck an left bumper na diin nalagpot an pasaherong si Jessil Brigoli Guerra deretso gawas sa multicab. Human sa insidente an an mga pasahero na naangol sa disgrasya jadto na tungora an gidaya sa Provincial Hospital ug Caraga Regional Hospital.
Pasakaan isab an driver nan kasong Reckless Imprudence Resulting to Homicide. Nanawagan isab ni PCPT Nick Antallan ngadto na sa mga motorista ngadto sa mga motorista na mag hinay-hinay pagpajagan sa mga sakyanan aron malikayan an disgrasya sa kadayanan.
(Mark James Lisondra)