General Santos City – Ang Department of Education Soccsksargen nipahibalo nga labing menos 42,000 ka mga magtutudlo ang makadawat og P5,000 nga cash allowance sugod Hulyo 29 o pagsugod sa school year 2024-2025 sa mga pampublikong tunghaan.
Kana ang gi-anunsiyo ni DepEd-12 Regional Director Carlito Rocafort. sa pakighinabi kaniya sa PIA-Philippine Information Agency (PIA) Region 12, sa Koronadal City.
Gikabutyag, nga ang gibanabana nga kinatibuk-ang kantidad sa cash allowance nga gigahin alang sa rehiyon mosobra sa P210 milyones ka pesos. Ang cash allowance gituyo alang sa pagpalit sa mga gamit sa pagtudlo ug mga materyales, mahikap o dili mahikap; alang sa pagpahigayon sa lain-laing mga paagi sa pagkat-on, internet, ug uban pang gasto sa komunikasyon. (Rem C. Agdon)