Detenado kuman sa Surigao City Police Station an pahenante sa MV Xaviera Montenegro Shipping Lines human nanumbag sa kaiban na crew ug nagnigbas nga nahitabo kagahapong adlawa sa alas 3:25 nan hapon.
Nakilay.an an suspek na si Rommnick D. Najito, 34 anyos na layaki, residente sa Calapan, Mindoro.
Sa inisyal na imbestigasyon sa kapulisan nasayran na ubos sa impluwensiyang inimnong maka hubog an suspek sa dihang nan hagit nan sinumbagay an suspek sa mga pahenante pag abot sa Global Port of Surigao.
Ija pa tag tigbas gamit an mahait na hinagiban an biktimang si Reimark Dacillo Mantilla apan swertehan nga naigo sa steel tube. Tag gakos ni Sanny Garcia an suspek ug natumba aron makontrol na an pag skandalo batok sa suspek.
Mibarog an suspek ug gisumbag an bisan kinsang tripulante nga misuway pagduol sa ija. Gisumbag ni Sanny Garcia aron maundang na an ija pag skandalo rason nga samaran sa nawong an suspek.
Samaran isab an laing biktima na si Jake Hendrick Oteyza Marcelino human giatake sa suspek gamit an gunting nga naigo sa laing-laing parte sa lawas nan biktima.
Gidakop an suspek human nakadawat ug impormasyon an mga kapulisan nga didto an suspek sa CARAGA Regional Hospital aron magpatambayalang sa mga samad may kalabotan sa insidente. Mag atubang sa kasong Attempted Homicide ug Frustrated Homicide an suspek ug jaon kuman sa kustodiya sa Surigao City Police Sttaion.
(Mark James Lisondra)