Surigao: Congressman Bingo Matugas personal mitambong sa launching nan AKAP ubos sa DSWD sa lungsod nan Socorro

0
2
photo courtesy by Mark James Lisondra

Mokabat sa 1, 500 ka benepisyaryo an nagpakadawat nan cash assistance sa programa nga Ayuda para sa Kapus Ang Kita Program kon AKAP ubos sa Department of Social Welfare and Development kon DSWD nga gipangulohan ni Sec. Rex Gatchalian human gilusad didto sa lungsod nan Socorro jadton adlaw’ng Sabado.

Ini nga programa gipaningkamutan ni Congressman Bingo Matugas nga makuha an pundo ngadto kay Presidente Bongbong Marcos Jr. House Speaker Ferdinand Martin Romualdez aron mahatag sa mga katawhan pinaagi sa pag validate.

Kantidad P3, 000 ka pesos an nadawat sa mga benepisyaryo diin dako nga natabang sa ilang pamilya aron maka palit sa panginahanglanon.

photo courtesy by Mark James Lisondra

Sa mensahe ni Congressman Bingo Matugas atunangan sa mga benepisyaryo nga dinhi nija tagpasabot an tumong ug tujo sa maong programa amo an pag tabang sa mga katawhan nga ubos an kita o suholan sa panarbaho.

Mapasalamaton isab si Mayor Riza Rafonselle Timcang ngadto na kay Congressman Bingo Matugas sa dihang sa ija lugar unang gilusad an AKAP ug hamok nga mga proyekto an ija nabubo sa lungsod nan Socorro.

An programa nga AKAP isa sa mga programa nga giaprobahan sa Kongreso ug nalakip sa 2024 General Appropriations Act nga gipirmahan ni Presidente Ferdinand “Bongbong” Marcos Jr. (Mark James Lisondra)

Leave a Reply