Nanguyo mismo si City Mayor Estong Matugas kaiban na nila Hon. Cacel Azarcon, Hon. Joshua Geli, Hon. Joy Yuipco, Hon. Mara Adtoon sanan ni Vice Governor Geed Gokiangkee sa gipahigayon na pag inagurar sa bag-o pa lamang na natapos na proyekto sa Brgy. Day-asan.
Sa impormasyon nahuman na an an bag-o na proyekto nan Brgy Day-asan ubos na sa liderato ni Punong Barangay Ruben Catarman kaiban isab sa ija opisyales sa Barangay, diin ini na proyekto an tagtakda pa untana mahuman kuman Disyembre tuig 2021 pero ini natapos lamang sajo kaysa sa target na petsa na ini ma kompleto.
Sumaya pa na daku an ila pasalamat sa kasamtangang administrasyon ni City Mayor Estong Matugas ilabina nga hamok an ila mga nadawat na proyekto sa ila Barangay sanan karadjawan para sa ila katawhan.
An pagkonkreto isab sa amo na tulay daku na katabang sa mga residente na makatabok na safety sanan dili sila mabayaka kon may mga kalamidad o daut an panahon lakip isab an sakyanan an maka agi na isab.
(Source: SurigaoCity Pio Facebook page)