Penalty o sanction sa mga kandidato nga wala maka pasa sa ilang SOCE gibutyag ni Avelino Dhart Edillo II, ang acting city election officer 30 ka mga kandidato ang ge lauman sa taga City Comelec nga mag file sa ilang Statement of Contribution and Expenditure kun SOCE apan aduna lama’y 27 ka mga kandidato ang ni pasa niini. Adunay 3 ka City Candidates nga pakyas sa pag pasa sa ilang SOCE.
Sa initial nga atong balita kagahapon, si atty. Noel Christian Catre Jr. ang unang ni pasa sa iyang SOCE ug ge sundan kini nila ni Mayor Ernesto Matugas ug Vice Mayor Nitoy Matugas. Samtang sa ulahing adlaw sa pagpasa niini, adunay 11 ka mga kandidato ang miapas pag pasa sa ilang SOCE. Si Mayor Elect engr. Paul Dumalao ni pasa sa iyang SOCE niadtong hunyo 7 sa may alas 4 sa hapon. Samtang si Vice Mayor elect Alfonso Casura ni pasa sa iyang SOCE niadto pang hunyo 3 sa may alas 9 sa buntag.
Sa pagsibya kahapon sa buntag nailhan nga sila ni Remegio Falar III, Paulmart Siega ug si Patricio Achas ang pakyas nga maka hatag o maka file sa ilang SOCE. Sumala pa ni acting city election officer, Avelino Dhart Edillo II nga wala nay tulubagon ang City Comelec sa mga kandidato nga wala maka pasa sa ilang SOCE niadtong hunyo 8 sa kasamtangang tuig (insert vid) Matud pa sa taga City Comelec nga ang spending limit sa pagpangampanya sa mga City candidate nga gikan sa political party anaa sa 329, 877 pesos ug ang independete nga kandidato anaa sa 544, 795 pesos. (RPN DXKS Surigao, Ronda 25)
