Gimanduan ni Surigao City Mayor Pablo Yves L. Dumlao II an Surigao City Traffic Management Office (SCTMO) Officer-in-Charge, PCPT Robert Paredes, sa pagpatuman sa Mandatory 40-hour Course for Traffic Enforcers.
Kining komprehensibong programa nagtumong sa pagpalig-on sa kahanas ug propesyonalismo sa mga traffic management personnel sa dakbayan.
An kurso naglakip sa refresher session sa traffic enforcement, moral recovery programs, values formation, ug basic customer service skills training.
Dugang pa, isa ka hingpit na re-inventory sa mga kasamtangang traffic enforcers an ipahigayon dungan sa pagpatuman sa mas estrikto na mga guidelines alang sa screening ug pagkuha sa mga bag-ong personnel.
An inisyatiba ni Mayor Dumlao nagpasiugda sa pasalig sa siyudad sa pagpausbaw sa traffic management efficiency ug pagpalambo sa kaluwasan sa kadayanan.
Pinaagi sa pagpamuhunan sa padajon na pag-uswag sa ija mga traffic enforcers, an Surigao City nagtinguha na masiguro an karajwan sa ija mga residente ug bisita pinaagi sa gipaayo na mga pamaagi sa pagdumala sa trapiko.
(Mark James Lisondra)
