Hamok na katawhan ang naka benipisyo sa programa ni Mayor Pablo Yves L. Dumlao II na People’s Day, nga nahitabo kuman na adlaw, Agusto 3, 2023 didto sa Brgy. Capalayan.
An City Health Office nagpahigayon nan libreng ibot sa ngipon diin adunay 85 ka mga katawhan ang naka avail sa maong serbisyo. Sa ila sab programa nga libreng tuli, 61 ka mga kabatan-onan ang naka benipisyo ug nalipay an mga ginikanan sa libre na tuli sa ila mga anak.
Hamok sab ang mga naka libre nan 1×1 picture sanan xerox copy kun photocopy gikan sa libreng serbisyo nan Surigao City Public Information Office (PIO) na tagkinahanglan nan Philippine Health Insurance Corporation (PhilHealth) sanan nan CSWDO sa pagproseso nan ila mga gikinahanglan na serbisyo.
Tungod nan People’s Day mas napadali an trabaho nan Local Civil Registrar sa pagpahibayo sa pipila ka mga indibidwal na tagtawag an ila atensyon sa pagpahibayo na jaon pay mga kuyang sanan dugang na requirements na ila e sumite pag apas para na sa pagproseso nan ila mga birth certificate.
Sa welcome na mensahe ni barangay kapitan Hon. Dante Fernandez ija tagpa abot sa mga nag dumala hilabi na kay Mayor Paul Dumlao an dako nila na pasalamat sanan kalipay sa pagpahigayon nan People’s Day program sa Brgy. Capalayan.
Tag anunsyo sab ni City Councilor Christopher Bonite ang mga proyekto nga pagahimuon sa umaabot, sanan pasalamat sa tanan na nagkigduyog sanan nisuporta sa People’s Day.
(Source: Surigao City PIO Facebook page)