Nunot sa iyang saad nga hatagan og kahigayonan nga makapanginabuhi ang katawhan ilabina ang mga sidewalk vendors, dugang lima ka grupo sa night market ug Gaston Park vendors ang nanumpa kang Mayor Rolando `Klarex’ Uy Lunes, Agosto 7, 2023, atol sa flagraising ceremony sa city hall.
Ang lima ka grupo mao ang Gaston Park Daily Association; Philtrust Night Market Cogon Association; Survivor Cogon Night Market Association; Survivor Night Market Association, ug ang Good Vibes Night Market Association.
Namugna ang maong grupo human sila gi-organisar sa Night Market Management Committee sa pagpangulo ni co-chairman ug kanhi Kag. Enrico Salcedo uban sa City Economic Enterprises & Business Development Administration (CEEBDA) nga gipangulohan ni Department Manager Sean Molig.
Kini nga kalamboan ang gikalipay sa mga vendors ug mipaabot sa ilang pasalamat kang Mayor Klarex Uy.
(News and photo courtesy of CIO CDO)
