Nanumpa kuman hapon, Pebrero 7, 2023 atubangan kang City Mayor Pablo Yves “Paul” L. Dumlao II si Kagawad Romelo B. Ortiz isip bag-ong Kapitan sa Brgy. Cagniog.
Kaiban ni Kagawad Ortiz sa iyang pagpanumpa an ija kapikas, Konsehal Jun Briones, Brgy. Secretary sanan Brgy. Treasurer. Misaksi isab sa oath taking sila si Manny Ferrer sanan Dr. Jaimenito Go.
Nasajo an paghural ni Kagawad Ortiz gikan sa orihinal na schedule sa pagpanumpa unta silom na adlaw. Gisibog isab silom na adlaw an ila regular session nan Sangguniang Barangay tungod sa tawag sa opisina sa Mayor na kuman adlawa na siya manumpa.
Niadtong Sabado taglubong na si Kapitan Marietta “Neneng” Boquilon samtang gitakdang konsultahon ni Kapitan Ortiz si Engr. Ronito Boquilon ug ang pamilya kon kinsa kanila an ipuli sa bakanteng posisyon sa Barangay Kagawad. (RPN DXKS Surigao News Team)