35 C
Manila
Friday, April 19, 2024

Grabtrike gikatakdang ilusad sa Dipolog

- Advertisement -

Gika-oyunan sa mga sakop sa Sangguniang Panlungsod ilawom sa pagpangulo ni Bise-Mayor ug Presiding Officer Atty. Senen O. Angeles, nga pandayon ang usa ka ordinansa alang sa i-implementasyon sa “GrabTrike” dinhi sa Dipolog.

Kini human giduso sa buhatan ni Mayor Darel Dexter T. Uy ang 2nd Endorsement, pinetsahan og Pebrero 1 ning tuiga, nga naghangyo sa konseho alang sa pagpasar og resolusyon nga maghatag sa gahum ug otoridad sa mayor nga mopirma sa kasabutan kon Memorandum of Agreement (MOA), sa ngalan sa siyudad, tali na sa MYTAXI.PH, INC. nga girepresentahan ni Mr. Ronald Roda alang sa implementasyon sa Grab services dinhi sa Dipolog.

Si Floor Leader Atty. Jonald Napigquit mihatag og mosyon alang sa pagpasar sa nahisgutan nga resolusyon ug kini gidasonan usab sa mga sakop sa konseho. Dungan ning maong lakang mao usab ang pagpasar og Ordinansa sa pagpangamahan ni konsehal Napiquit nga nagkanayon “An Ordinance Prescribing the Fare Rate Matrix for Motorized Tricycles Duly Accredited to Operate Under the GrabTrike Project Services within the Territorial Jurisdiction of Dipolog City and Providing Penalties for Violation Thereof”, kini aprobado na sa konseho alang sa 1st reading.

Sa regular nga sesyon gipasabot ni Atty. Goldie P. Gonzales, kinsa maoy mi-atubang sa konseho nga ang GrabTrike Project Services maglangkob lamang sa mga motorcab nga dunay lihitimong franchise sa siyudad sa Dipolog tungod kay ang implementasyon gi coordinate usab  sa buhatan sa Permits and License Division.

Dugang niya nga ang mga drivers dunay kagawasan nga mopili kon sila mopa-rehistro ba sa GrabTrike o dili. Nasayran nga gikatakdang ilusad  kini dinhi sa dakbayan sa katapusang semana ning bulan sa Pebrero.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -