An M/V Reina Xaviera nan Montenegro Shipping Lines Inc. nasangad tungod sa kahunas sa dagat sa paglarga kainang alas 5 sa hapon, Hunyo 5, 2023 didto pa sa Dapa, Siargao Island samtang pabiyahe kini paingon sa Surigao City.
Sa interview nan RPN DXKS sa PNP Maritime ubos sa kamanduan ni Police Capt. Alvin John Madrid, miresponde sila alang unta sa Rescue Operations iban an Philippine Coast Guard (PCG), Rescue Team nan LGU Dapa sanan iban pa. Apan an kadumalahan sa barko nagpaabot na lamang sa pagtaob sa dagat hangtud nga nakalarga kini alas 6 sa gabii paingon sa Surigao City ug walay mga pasahero nga nasamdan sanan an mga kargang sakyanan luwas nga nakakanaug paghidangat sa Port of Surigao.
Kahinumduman niadtong Mayo 27, ang maong barko waya ini modajon pagdunggo sa Port of Dapa ug nagpundo na lamang sa lawod human hapit ini masangad tungod sa kakusog sa hanging habagat ug gitransfer na lamang an mga pasahero sa mga pumpboats iban sa pag asister sa LGU Dapa, Philippine Coast Guard, Bureau of Fire Protection sanan PNP. (RPN DXKS Surigao, photos courtesy by Police Capt Alvin John Madrid of PNP Maritime Police Station in Surigao del Norte)