Misurrender na ngadto kang Brgy. Luna Kapitan Rico Nagas si Angelito Abadejos Lapuot, 41 anyos nga construction worker nga taga Purok-21, Riverside, Airport, Barangay Luna, Surigao City. Si Lapuot an suspect sa pagpatay sa iyang asawa nga si Juliet Juanite, 38 anyos niadtong alauna kinse sa kaadlawon sa Oktubre 23, 2021 didto sa ilang mismo pinuy-anan.
Human sa krimen nga nahitabo, didto ra siya nag standby sa kilid sa suba hangtud midangop kini sa iyang barkada nga silingan ug didto nagtago. Nakumbinsir kini nga mosurrender sa Kapitan ug didto sa Bastie Coffee Shop mitahan siya kan Kapitan Nagas uban sa presensiya sa iyang anak sanan lumon hangtud nga pagka alauna ang takna sa hapon kagahapon, Oktubre 25, 2021 gidala siya ni Kapitan Nagas didto sa hepe sa kapulisan sa syudad na si Lt. Col. Dante Bernales. Saysay sa suspetsado nga ang iyang asawa ang mikuha nan kutsilyo, dihang giilog niini ang kutsilyo, aksidenteng naduot kini ngadto sa iyang asawa. Nataranta siya maong mitawag kini sa iyang 17 anyos nga bata ug gipasusi basin buhi pa ba kini. Gidala sa hospital an biktima apan patay na kini.
Gikasuhan na ang bana sa violation sa RA 9262 kon Violence Against Women and Children. Gi-inquest na kini sa kapulisan sa City Prosecutor’s Office pinaagi sa NPS No. XIII-05-INQ-21J-00264 kainang alas 11:15 sa buntag Oktubre 26, 2021 sa pagdawat ni Atty. Lydell Pongcol Alvarado, Prosecutor-1, Surigao City.
(RPN DXKS Surigao exclusive report with Mark James Lisondra, Ronda 21)