Pormal ng gisugdan an Arellano District Inter-Barangay Basketball Tournament kagahapong adlawa Abril 22, 2024 sa Barangay Balibayon Gym, Surigao City mga alas 5:30 nan hapon.
Personal nga mitambong si Provincial Vice Governor Eddie “Geed” Gokiangkee Jr. sa maong tournament ug si Kapitan Lemuel B. Aquino sa Barangay Balibayon.
Sa mensahe nga gipadayag ni Vice Governor Eddie “Geed” Gokiangkee Jr.  nagkanayon nga dili lamang focus sa edukasyon an mga kabatan.onan apan kaabag isab an natad sa sports.
Nalipay isab si Kapitan Aquino nhadto na kay Vice Geed Gokiangkee Jr. pinaagi sa ija inisyatiba nga magpahigayon nan basketball toutnament para malingaw an mga kabatan.onan ug mga katwhan.
An mga team nga misalmot sa maong tournament inubanan sa ilang nga Kapitan:
Cagniog – Hon. Romelo Ortiz
Balibayon – Hon. Lemuel Aquino
Day-asan – Hon. Henry Celeste
Orok – Hon. Edna Torregoza
Capalayan – Hon. Alicia Cedro-Ozaki
Nabago – Hon. Albert Baa
Cabongbongan – Hon. Cristina Pareja
Nagpahigayon isab nan contest para sa mga muse nga diin nidaog an taga Barangay Capalayan nga si Ms. Januraby A. Pacilan.
Sa interview ngadto kay Ms. Januraby A. Pacilan nga waya sija mag dahom nga sija an mo daog ug nagpasalamat sija sa mga misuporta sa ija.
Nitambong ug nagpakita nan suporta sila ni Kapitan Edna Torregoza ug Kapitan Alicia Cedro-Ozaki kaiban an mga brgy. Officials sa tagsa-tagsa ka barangay.
