Daw sa nahugnoan ug langit ang usa ka drug suspek human kini nakuhaan ug mukabat sa 2.7 milyon pesos nga shabu sa gikasang drug buy-bust operation sa mga awtoridad kaganihang ala 1:00 sa hapon sa Brgy. Limbo, Sultan Kudarat, Maguindanao Del Norte, Abril 22, 2024.
Giila ang dinakpan nga si Jobert Ballyque Paches, 27-anyos, lalaki ug residente sa Sitio Salamat, Mother Poblacion, Cotabato City.
Sigon sa taho, nadakpan ang naasoy nga suspetsado human iyang gihanyagan sa iyang baligya nga good item ang usa sa mga police asset.
Nakuha sa iyang posisyon ang walo ka sachet sa gituohang shabu nga gibana-banang mubalor sa P2,720,000 ug uban pang drug paraphernalia.
Anaa karun gibalhog sa Sultan Kudarat PNP lock-up cell ang suspek alang sa tukmang disposasyon.