Lalaki samdan human gipusil sa Brgy. Dansolihon

Cagayan de Oro – Padayong nagpaalim sa balay tambalanan ang usa ka lalaki human kini gipusil sa duha ka wala mailang suspetsado sa Sitio Langag, Brgy. Dansolihon, Cagayan de Oro City gabii.

Base sa report sa kapulisan, nga nagmaneho ang biktima sa iyang sakyanan dihang kalit kining gipusil sa duha ka lalaki nga dali usab misibat paingon sa Brgy. Tignapoloan human sa pagbuhat sa krimen.

Maoy na-recover sa kapulisan sa Police Station 8 Lumbia ang empty shell sa kalibre 45 nga pistola sa crime scene.

Sa pagkakaron, padayon pang gipangita sa kapulisan ang suspetsado sa krimin.

News and photo by Cheleste Simene