Patay an 53 anyos na layaki human kini giluba sa isa ka 29 anyos na layaki nga nahitabo sa alas 3:00 an takna hapon didto sa Purok Acacia, Brgy. Magsaysay, Placer, Surigao del Norte.
Nakilay.an an biktima nga si Romolo Torino Garing, 53 anyos hampan an suspek an nakilay.an nga si Junrey Cosmo, 29 anyos na layaki parehong residente sa nahisgutang lugar.
Sa imbestigasyon sa kapulisan sa Placer ngadto na kay Creselda Buyser igsoon sa biktima nga nagsaulog sa adlaw natawhan an biktima gikan nan buntag nga nag inom iban an suspek.
Pagka ala 1:00 an takna sa hapon nakit.an pa sa nakasaksi na nag agbay-agbay pa an hangtod pagka alas 2:00 nan hapon kalit nga nag away an duha.
Pipila ka minuto an milabay nasayran nga nagka dugo na an biktima ug jaoy samad dinunggaban sa tijan ug likod na bahin.
Tagdaya pa an biktima sa Surigao del Norte Provincial Hospital apan gideklarang dead on arrival.
Sa pagka kuman an suspek an jaon sa kustodiya sa Placer MPS alang na sa tukmang disposition. (Mark James Lisondra)