Dako an kalipay sa mga residente sa Brgy. Caub, Del Carmen, Siargao Island human nahidangat si Congressman Bingo Matugas kaiban an Team Bagtik ug an DSWD Caraga 13 alang sa cash assistance.
Mainoton gisugat ni Kapitan Peter Tiu kaiban an mga Barangay Officials niini pag abot sa pantalan sa Brgy. Caub.
Sa mensahe nga gipadangat sa Congressman sa ija pag hidangat sa panahon sa bagyong odette ija nakita nga grabe ka guba an pantalan sa Brgy. Caub rason nga ija gisaad nga ija ini ipa repair.
Sa laing bahin, 92 ka mga beneficiares an nagpakadawat nan P3, 000 pesos gikan sa Assistance to Individual in Crisis Situation sa paningkamot ni Congressman Bingo Matugas.
Sa mensahe ni Kapitan Peter Tiu nga dako an ija pagpasalamat sa Congressman bisan pa man waya mahatagan an iban apan gisaad sa Congressman nga sa sunod pay out hamok na an matagaan.
Nihangyo isab si Kapitan Tiu nga mahatagan sila nan pumpboat para sa ilang mga pasyente kung may mga emergency cases sa ilang mga lumolopyo.
Malipayon isab an mga katawhan sa Brgy. Caub gumikan sa mga pa contest ug an prices niini amo an isa ka tumbler gikan ni Congressman Bingo Matugas.
Sa katapusan jaon sab lain nga gitanyag nga mga services ni Congressman Bingo Matugas sama sa Medical Assistance for Indigent Patient and Medical Assistance, Burial Assistance ug Educational Assistance para sa mag estudyante. (Mark James Lisondra)
