Mainitong gisugat sa mga katawhan sa lungsod nan San Isidro an pag abot nan OG nan Siargao nga si Atty. Francisco “Lalo” Matugas nga maoy ni presentar kay Congressman Francisco Jose “Bingo” Matugas atol sa distribution nan cash assistance nga AICS kon Assistance to Individual in Crisis Situation sa Department of Social Welfare and Development nga gipahigayon sa San Isidro Gym.
Jaoy 764 ka benepisyaryo an mahatagan gikan sa DSWD ug ni Congressman Bingo Matugas diin makadawat nan P3, 000 pesos kada isa human sila na validate.
![](https://rpnradio.com/wp-content/uploads/2024/05/AICS-cash-assistance-distribution-in-San-Isidro-300x225.jpg)
Sa mensahe nga gipadangat ni Atty. Francisco “Lalo” Matugas atubangan sa mga benepisyaryo nga ija ipadajun an mga programa ni Congressman Bingo Matugas hilabi na an pag apod-apod nan tabang pinansyal sa mga katawhan.
Mapasalamaton isab si Mayor Lamberto Domiños Jr. ngadto na kay Congressman Bingo Matugas sa kanunay nga pag hatag nan tabang pinasyal sa katawhan sa lungsod nan San Isidro.
Jaon isab sa AICS payout an presensiya ni SBM Bully Navarro, kanhi BM Sim Castrence, Vice Mayor Norberto Dulpina ug mga SB member sa San Isidro. (Mark James Lisondra)